सासष्टी: गोव्यातील आठ पोलिस ठाण्यांना महिंद्रा थार जीप गाड्या देण्यात आल्या आहेत. त्यातील चार कोलवा, काणकोण, वेर्णा व वास्को या दक्षिण गोव्यातील पोलिस स्थानकांना मिळाल्या आहेत तर बाकीच्या चार जीपगाड्या पणजी, कळंगुट, हणजुणं व पेडणे पोलिस ठाण्यांना देण्यात आल्या आहेत. (Goa Police news updates)

किनारी भागांना चोरटे व इतर अपराध्यांवर पाळत ठेवण्यासाठी पोलिस गस्त वाढविण्यात आली आहे. याच कारणास्तव या जीप गाड्या देण्यात आल्याचे एका पोलिस अधिकाऱ्याने सांगितले. दक्षिण गोवा पोलिस ठाण्यात पुरेशा जीपगाड्या आहेत, तरी काही जुन्या झाल्या आहेत. काही जीपगाड्या दुरुस्तीसाठी दिल्या आहेत.