काणकोण: संगीत क्षेत्रात वेगवेगळे प्रयोग करणारे डॉ.प्रवीण गावकर आता कृषी क्षेत्रात ही गेल्या वर्षापासून नाविन्यपूर्ण प्रयोग करत आहेत. घरा समोर शेती करायचा आनंद वेगळा असतो. हिरवीगार वाऱ्यावर डोलणारी शेती डोळ्यांना सुखद अनुभव देते.

(New experiment of agriculture in Goa)

विशेष म्हणजे सहसा गोव्यात (Goa) न पिकणारा इंद्रायणी भाताची लागवड करण्यात येते. हा भात मावळ भागात खूप पिकतो. बसुमाती आणि आंबे मोहोर भाताच्या बियांणाचा संकर म्हणजेच इंद्रायणी भाताची जात.

गेल्या वर्षी हा प्रयोग यशस्वी झाला आणि या वर्षीही तोच भाताची लागवड शेतात (Rice Farming) केली असल्याचे डॉ.गावकर यांनी सांगितले.सद्या भाताच्या तरव्याची लागवड केल्यानंतर शेती तरारून आली आहे.

या वायंगणी पिकाला पाणी जास्त लागतं. त्यामुळे वेगवेगळ्या विहिरीतून पाणी आणून पीक घेण्यात येत आहे. हा भात छोटा असून, जरा तांबूस रंग असतो व बासुमती सारखा सुगंध येतो.शेतीला पण एक विशेष सुगंध येतो.

तसा हा प्रयोग खर्चिक आहे. पुण्याहून बी मागवलं जातं, कामगार मिळणे ही एक मोठी डोकेदुखी असते, शिवाय भातापासून तांदूळ करण्यासाठी कर्नाटक राज्यातल्या अणशी घाटातील भात गिरणीवर जावं लागते.

परंतु हिरवीगार शेती, थंडगार वातावरण, आणि जवळ जवळ साडे तीन महिन्यां नंतर मिळणारा सुवासिक भात यामुळे कष्ट आणि खर्च याचा विसर होतो..

आठवडाभर पणजीत संजीवन अकादमीत संगीताची सेवा करून गावात शनिवार आणि रविवार शेती करायची हौस वेगळाच आनंद देऊन जात असते असे डॉ.गावकर यांनी सांगितले.