Education Policy: मुलांच्या आवडीप्रमाणे मातृभाषेतून शिक्षण देणारे नवीन राष्ट्रीय शैक्षणिक धोरण अवलंबिल्यास विद्यार्थ्यांचा सर्वांगीण विकास शक्य असल्याचे प्रतिपादन मांद्रेचे सरपंच ॲड. अमित सावंत यांनी केले. नाटकाच्या शुभारंभ प्रसंगी ते बोलत होते.

मांद्रे कॉलेज ऑफ कॉमर्स, इकॉनॉमिक्स अँड मॅनेजमेंटतर्फे आयोजित केलेल्या कला चेतना वळवईनिर्मित ‘काणी नव्या युगाची’ नाटकाच्या शुभारंभ प्रसंगी ते प्रमुख पाहुणे म्हणून बोलत होते.

यावेळी व्यासपीठावर मांद्रे कॉलेज व्यवस्थापन समितीचे आश्विन खलप, डॉ. प्रतीक्षा खलप, एन. जे. नाईक, मनोहर म्हामल, निवृत्त पोलिस अधीक्षक उमेश गावकर, मांद्रे कॉलेजचे प्राचार्य तुषार अन्वेकर उपस्थित होते.

प्राचार्य तुषार अन्वेकर यांनी आपल्या स्वागत व प्रास्ताविक भाषणात नवे राष्ट्रीय शैक्षणिक धोरण स्पष्ट केले. प्रा. चैताली गावस यांनी सूत्रसंचालन केले. प्रा. सिद्धी पवार यांनी आभार मानले.

नाटकाला पेडणे विकास परिषदेचे अध्यक्ष तथा माजी केंद्रीयमंत्री ॲड. रमाकांत खलप, मांद्रेचे सरपंच ॲड. अमित सावंत, उपसरपंच सौ. तारा हडफडकर, माजी पोलिस अधीक्षक उमेश गावकर, आश्विन खलप, डॉ. प्रतीक्षा खलप, एन. जे. नाईक, मनोहर म्हामल, प्राचार्य तुषार अन्वेकर, सप्तेश्वर उच्च माध्यमिक विद्यालय, मांद्रेच्या प्राचार्य सौ. सुलक्षा गावकर यांच्यासह अनेक मान्यवर उपस्थित होते.