Narendra Modi Visit in Goa: विधानसभा निवडणुकीच्या पार्श्वभूमीवर देशाचे पंतप्रधान नरेंद्र मोदी (Narendra Modi) आज गोव्यात दाखल झाले आहेत. आज म्हापसा येथे त्यांनी जाहीर सभा घेऊन जनतेशी संवाद साधला. गोव्याच्या राजकारणातील भाजपचे महत्व त्यांनी नमूद केले.

यावेळी त्यांनी मुख्यमंत्री प्रमोद सावंत (Pramod Sawant) यांचे उत्कृष्ट कामाबद्दल कौतुकही केले. मनोगत व्यक्त करताना ते म्हणाले की, 'गोव्यात इतर पक्ष अशा जाहीर सभा घेतात आणि फक्त खोटी आश्वासने देतात. पूर्ण काहीच करत नाहीत. गोव्यात आश्वासन देऊन ते पूर्ण करणारे सरकार म्हणजे फक्त भाजप सरकारच आहे. आणि याचे श्रेय मी गोव्याचे मुख्यमंत्री प्रमोद सावंत आणि त्यांच्या सहकाऱ्यांना देतो. (Narendra Modi appriciated Pramod Sawant)

मी स्वत: अनेकदा मुख्यमंत्री म्हणून काम केले आहे. त्यामुळे मला माहिती आहे की सरकारी योजना गरजूंपर्यंत पोहोचवण्यासाठी किती कष्ट पडतात. मी हे सांगू शकतो की प्रमोद सावंत यांनी उत्तम काम केले आहे. यासाठी मी त्यांचे मन:पूर्वक अभिनंदन करतो. त्यांनी जे केले आहे, ते नक्कीच अभूतपूर्व आहे.

मी गोवेकरांना सांगू इच्छितो की, आमच्या युवा मुख्यमंत्र्यांचे लक्ष फक्त योजना सुरू करणे हेच नाही तर गोव्याच्या संकल्पांना 100% पूर्ण करणे हे त्यांचे ध्येय आहे. लसीकरणात गोवा अग्रेसर आहे, स्वच्छ भारत अभियानात गोवा पूर्णपणे कार्यान्वित आहे, जलजीवन मिशन, राज्यात वीजपुरवठ्यासाठीचे काम शिवाय गरजूंना मोफत राशन देण्यातही गोवा यशस्वी झाला आहे. एवढेच नाही तर आता गोवा अक्षय ऊर्जा प्रकल्पावरही 100% काम करत आहे, ह्या खूप मोठ्या गोष्टी आहेत. त्यामुळे अख्ख्या जगात गोव्याचे नाव होणार आहे; आणि हेच प्रमोद सावंत यांचे यश आहे.

यावेळी त्यांनी विरोधाकांवरही थेट वार केला. ते म्हणाले, 'खोटी आश्वासने देणाऱ्या, भेदभाव करणाऱ्यांना मला सांगावेसे वाटते की प्रमोद सावंत यांनी जे प्राप्त केले आहे, त्याचे तुम्ही अवलोकन करा. कारण योजना लोकांपर्यंत पोहोचवणे म्हणजे फक्त सरकारी आकडेवारी मांडणे नसून, हे भाजपच्या (BJP) सिद्धांताचे, आमच्या कार्यशैलीचे जिवंत उदाहरण आहे; आणि हेच आमचे यश आहे.' शेवटी त्यांनी जनतेला पुन्हा एकदा भाजप सरकार सत्तेवर आणण्याचे आवाहन केले.