Maina-Curchorem Police: अनेकदा काहीजण धार्मिक भावनांचा अनादर करत समाजात तेढ निर्माण करण्याचा प्रयत्न करतात. अशीच एक घटना मडगावमधून समोर आली आहे. शुक्रवारी मुस्लिम बांधवांचा सण ईद-ए-मिलाद पार पडला. या पार्श्वभूमीवर ठिकठिकाणी 'जुलूस' मिरवणूक काढण्यात आली होती.

यावरून एका व्यक्तीने सोशल मीडिया प्लॅटफॉर्म इंस्टाग्रामवर आक्षेपार्ह पोस्ट करत मुस्लिम बांधवांच्या भावना दुखावल्या आहेत. याप्रकरणी मायना कुडतरी आणि फातोर्डा पोलीस स्थानकात संबंधिताबाबत तक्रार दाखल करण्यात आली आहे.

माहितीनुसार, संबंधित व्यक्तीकडून समाजमाध्यमांवर मुस्लिम तसेच ख्रिश्चन समुदायाबद्दल धार्मिक तेढ निर्माण करणारा मजकूर पोस्ट करण्यात आला होता. यामुळे हाऊसिंग बोर्डमधील जवळपास शंभरहून अधिक मुस्लिम बांधवांनी पोलीस स्थानकात जमा होत ही पोस्ट करणाऱ्याला लवकरात लवकर ताब्यात घेऊन कारवाई करण्याची मागणी केली.

आधी मायना कुडतरी आणि नंतर फातोर्डा पोलिसात जात त्यांनी तक्रार केली आहे.