Ram Mandir : वास्को, अयोध्येत २२ जानेवारी रोजी होणाऱ्या श्रीराम मूर्ती प्राणप्रतिष्ठापना सोहळ्याची आमंत्रण पत्रिका तसेच अक्षता घरोघरी वाटपाच्या अभियानाला मुरगावात सुरवात करण्यात आली.

सांकवाळ, दाबोळी, नवेवाडे, वाडे, चिखली, वास्को, बेलाबाय, ओरूले, मेस्तवाडा, मांगोरहिल, बायणा, सडा, आदी मंदिरातील पुजाऱ्यांना व संस्थानच्या पदाधिकाऱ्यांना पवित्र अक्षता, आमंत्रण पत्रिका देण्यात आल्या.

याप्रसंगी संस्थानचे पदाधिकारी तसेच भाविक मोठ्या संख्येने उपस्थित होते. पवित्र अक्षता व आमंत्रण पत्रिका घरोघरी वितरित करण्यात येणार आहेत.

मेस्तवाडा येथील श्रीराम मंदिरात पवित्र अक्षतांचे आगमन झाल्यानंतर आमदार दाजी साळकर यांच्या हस्ते पूजा करण्यात आली.

याप्रसंगी नगराध्यक्ष गिरीश बोरकर उपस्थित होते. अामदार साळकर यांच्या हस्ते घरोघरी आमंत्रण पत्रिका व पवित्र अक्षतांचे वितरण करण्यात आले.