मडगाव: मुंगूल-मडगाव येथे मंगळवारी पहाटे घडलेल्या गॅंगवॉरमध्‍ये अक्षय तलवार व राहुल तलवार या कुप्रसिद्ध भावांचा मुख्‍य सहभाग असल्‍याचे पोलिस तपासात समोर आले आहे.

या दोघांच्‍याही विरोधात पोलिसांनी यापूर्वीच ‘लुकआऊट’ नोटीस जारी केली आहे. सध्‍या हे दोघेही भाऊ फरार आहेत. या प्रकरणात आत्तापर्यंत नऊजणांना अटक केली केली आहे. सुनील बिलावर (२०) याच्‍या मुसक्‍या आवळल्‍या.

या प्रकरणात आतापर्यंत नऊजणांना अटक केली, त्‍यात रसूल शेख, शाहरूख शेख, विल्‍सन कार्व्हालो, महंमद अली, वासू कुमार, सूरज माजी, गौरांग कोरगावकर, मलीक शेख यांचा समावेश आहे.

पोलिसांनी दिलेल्‍या माहितीनुसार, अक्षय तलवार आणि राहुल तलवार हे दोघेही सध्‍या बेपत्ता आहेत. या हल्‍ल्‍यासाठी वापरलेली एक इनोव्‍हा आणि एक फ्राँक्‍स कार पोलिसांनी ताब्‍यात घेतली आहे. अटक केलेल्‍या संशयितांना पाच दिवसांच्‍या पोलिस कोठडीचा रिमांड देण्‍यात आला आहे.