Mumbai Goa Highway Accident: मुंबई-गोवा राष्ट्रीय महामार्गावर चिपळूण शहरात दुचाकीचा अपघात झाला आहे. यात कराडच्या युवकाचा मृत्यू झाला आहे. रविवारी (08 ऑक्टोबर) रात्री आठच्या सुमारास हा अपघात झाला. अपघातानंतर रुग्णालयात उपचार सुरु असताना त्याचा मृत्यू झाला.
संकेश सिताराम महाडिक (वय 25) असे मृत्यू झालेल्या तरुणाचे नाव आहे.
संकेश चिपळूण शहरातील एका कापडाच्या दुकानात कामाला होता. रविवारी रात्री धामापूर येथून चिपळूणला जात असताना पॉवर हाऊसजवळ त्याच्या दुचाकीला अपघात झाला. संकेश अपघातात गंभीर जखमी झाल्यानंतर त्याच्यावर चिपळूण येथे प्राथमिक उपचार करण्यात आले.
प्रकृती अधिक खराब झाल्याने पुढील उपचारासाठी त्याला कराड येथील एका खाजगी रुग्णालयात हलविण्यात आले. उपचारादरम्यान सोमवारी संध्याकाळी उशिरा मृत्यू झाला.
संकेश वडिलांच्या निधनानंतर काम करुन घराला हातभार लावत होता. त्याच्या निधनानंतर महाडिक कुटुंबावर दु:खाचा डोंगर कोसळला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.