पणजी: मुंबईतील गुन्ह्यांमध्ये ‘वॉन्टेड’ असलेल्या कुख्यात गुंड विक्रांत देशमुख ऊर्फ विकी याला गोव्यातून घेऊन नवी मुंबई क्राईम ब्रँचचे पोलिस पथक मुंबईला रवाना झाला. त्याच्याविरुद्ध नेरूल (मुंबई) पोलिस स्थानकात खून व खंडणीवसुलीचे गुन्हे नोंद आहेत.

(Mumbai Crime Branch team left for Mumbai after taking the notorious gangster Vikrant Deshmukh from Goa)

हे गुन्हे करून विकी फरारी झाला होता व हे मुंबई पोलिस त्याचा पाठलाग करत होते. न्यायालयीन कोठडीत त्याची रवानगी झाल्याने त्याला मुंबई पोलिसांच्या ताब्यात देण्यात आल्याची माहिती पणजीचे पोलिस निरीक्षक अमित पालेकर यांनी दिली. गेल्या आठवड्यात गोवा व नवी मुंबई पोलिसांच्या संयुक्त कारवाईत सापळा लावून गुंड विकी याला एखाद्या फिल्मी चित्रपटाप्रमाणे मध्यरात्रीच्या सुमारास पणजीतील कसिनोच्या परिसरात अटक करण्यात आली होती