Porvorim Multivehicle Accident: पर्वरी येथे अनेक वाहने एकमेकांना धडकल्याने अपघात झाला आहे. एका मागे एक अशा सहा कार धडकल्याने हा अपघात झाला आहे.

पर्वरी पोलीस स्थानकाच्या समोरच हा अपघात झाला आहे. यामुळे अटल सेतूकडे येणारी वाहतूक खोळंबली आहे. मंगळवारी (दि.15) दुपारच्या तीनच्या सुमारास हा अपघात झाला

पोलीस घटनास्थळी दाखल झाली असून, वाहतूक सुरळीत केली जात आहे. या अपघातात वाहनांचे नुकसान वगळता कोणासही गंभीर दुखापत झाली नाही.

या अपघातात सहा वाहनांचे नुकसान झाले असून, कोणालाही गंभीर दुखापत झाली नाही अशी माहिती घटनास्थळी असलेल्या पोलिसांनी दिली.

समोरच्या एका वाहन चालकाने ब्रेक मारल्याने मागून येणारी वाहने त्यावर आदळली असे प्रत्यक्षदर्शीनी सांगितले.