वास्को: अलिखित करारानुसार मुरगावचे नगराध्यक्ष गिरीश बोरकर यांच्या नगराध्यक्षपदाचा कार्यकाळ संपल्याने नवीन नगराध्यक्षाच्या निवडीसाठी हालचाली सुरू झाल्या आहेत. नगराध्यक्षपदासाठी काहीजणांनी आपली नावे पुढे केली आहेत. तथापि, याप्रकरणी भाजपचे वरिष्ठ पदाधिकारी निर्णय घेतील.
मुरगाव पालिका मंडळ अस्तित्वात आल्यावर दामू कासकर यांची नगराध्यक्षपदी निवड करण्यात आली होती. त्यानंतर अलिखित करारानुसार त्यांनी नगराध्यक्षपदाचा राजीनामा दिल्यावर नगरसेवक लिओ रॉड्रिग्ज यांची नगराध्यक्षपदी वर्णी लावण्यात आली होती.
त्यानंतर १४ जुलै २०२३ रोजी नगरसेवक गिरीश बोरकर यांची नगराध्यक्षपदी बिनविरोध निवड करण्यात आली होती. दामू कासकर, लिओ रॉड्रिग्ज हे माजी मंत्री मिलिंद नाईक यांचे समर्थक, तर गिरीश बोरकर हे वास्कोचे आमदार दाजी साळकर यांचे खंदे समर्थक आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.