गोव्याचे आरोग्य खाते एकीकडे अधिक प्रगती करत असताना राज्यातील एचआयव्ही रुग्णांची संख्या चिंताजनक बनली आहे. 2023 मध्ये 260 नवीन एचआयव्ही+ रुग्ण आढळून आले आहेत. ही संख्या 2022 च्या तुलनेत 7 टक्क्यांहून अधिक आहे.
गोवा एड्स नियंत्रण सोसायटीच्या आकडेवारीनुसार, 2022 मध्ये राज्यात एकूण 242 HIV रुग्ण होते. यामध्ये 60 टक्क्यांहून हून अधिक रुग्ण बार्देश, सासष्टी, तिसवाडी आणि मुरगाव या चार तालुक्यांमधील होते.
तर 2023 मध्ये राज्यात एड्सची 21 प्रकरणे नोंदवली गेली असून यामुळे 32 जणांचा मृत्यू झाला आहे.
बार्देश तालुक्यात सर्वाधिक म्हणजे 52 एचआयव्ही+ रुग्ण आढळून आले असून सासष्टीमध्ये 39 तर तिसवाडीत 38 प्रकरणे आहेत. यातील महत्वाची बाब म्हणजे 70 टक्के रुग्ण हे 25-49 या वयोगटातील आहेत.
यामध्ये वर्षभरातील आकडेवारीतील 97.7% संक्रमण हे असुरक्षित लैंगिक सबंधांमुळे झाले असून 1.5% संक्रमण हे अनुवांशिकतेमुळे झाल्याची माहिती वैद्यकीय अधिकाऱ्यांनी दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.