मनोहर विमानतळाला जोडणाऱ्या मोपा लिंक रोडचे केंद्रीय मंत्री नितीन गडकरी यांच्या हस्ते गुरुवारी (११ जुलै) उद्घाटन झाले. जवळपास सात किलोमीटर लांब असणाऱ्या या रस्तामुळे विमानतळाला जाण्याच्या वेळेत बचत होणार आहे. शिवाय या रोडमुळे मुंबई- गोवा - कन्याकुमारी महामार्गाला थेट कनेक्टीव्हिटी मिळणार आहे.

मोपा लिंक रोडचे डिझाईन अतिशय मजबूत आणि आकर्षक करण्यात आले असून, यावरील प्रवास देखील तितकाच विलोभनीय ठरणार आहे.

केद्रीय मंत्री नितीन गडकरी यांच्यासह मुख्यमंत्री डॉ. प्रमोद सावंत यांनी देखील या नव्या लिंक रोडचा व्हिडिओ शेअर केला असून. लिंक रोडची सविस्तर माहिती दिली आहे. या लिंक रोडसाठी जवळपास 1200 कोटी रुपये खर्च करण्यात आले आहेत.