Maina-Curtorim Crime News: राज्यात महिला आणि मुलींवर होणाऱ्या अत्याच्याराच्या घटना दिवसेंदिवस वाढतच चालल्या आहेत. यामुळे सर्वत्र भीतीचे वातावरण पसरले आहे. मायणा-कुडतरी पोलिस ठाण्‍याच्‍या हद्दीत सात वर्षीय मुलीचा विनयभंग केल्‍याची घटना घडली आहे. यामुळे सर्व स्तरातून असंतोष व्यक्त होत आहे.

पीडितेच्‍या आईने यासंबंधी एका संशयिताविरोधात पोलिस ठाण्‍यात तक्रार नोंदविली आहे. विनयभंगाची ही घटना 28 जुलै ते 30 जुलै या दरम्‍यान घडली होती. यामध्ये भारतीय दंड संहितेच्‍या 354 (अ), गोवा बाल कायदा कलम 8 व बाल संरक्षण कायद्यांतर्गत पोलिसांनी हे प्रक़रण नोंदवून घेतले आहे. याबाबत पुढील तपास सुरू आहे.