पणजी: शंकरवाडी - ताळगाव येथे उभारण्यात येत असलेल्या मोबाईल टॉवरला रविवारच्या ग्रामसभेत स्थगिती देण्यात आली होती. तरीही आज संबंधित जागा मालकाने ते काम बाऊन्सर आणून सुरू केले. त्यामुळे संतप्त झालेल्या ग्रामस्थांनी पोलिसांना बोलावून काम बंद ठेवण्यास भाग पाडले.

(Mobile tower work closed in Talgaon)

उदय शिरोडकर यांनी सांगितले, की उपसरपंच पै यांच्या प्रभागात त्यांच्या पतीनी मोबाईल टॉवर उभारण्यास संबंधित कंपनीला परवानगी दिली, परंतु त्या टॉवरची निम्मी जागा सरकारची आहे. रविवारी ग्रामसभेत या टॉवरचे काम स्थगित ठेवण्याचा निर्णय झाला. त्याशिवाय सरपंचांनी ग्रामस्थांबरोबर राहणार असल्याचे सांगितले. त्याचबरोबर पंचायतीने त्यास परवानगी दिली नसल्याचे जाहीर केले होते. त्यामुळे हे काम रेटून नेण्याचा प्रयत्न संबंधित व्यक्ती करीत आहे.