म्हापसा: आमदार मायकल लोबो आणि दिलायला लोबो यांचा मुलगा डॅनियल लोबो यांची पर्रा ग्रामपंचयातीच्या सरपंचपदी बिनविरोध निवड झाली आहे. पंचायतीच्या सरपंचांनी डिसेंबरमध्ये दिलेल्या राजीनाम्यानंतर हे पद खाली होते. नुकत्याच पार पडलेल्या ग्रामसभेत सर्व पंचांनी लोबो यांनी पाठिंबा देण्याचे जाहीर केले.

३० डिसेंबर २०२४ रोजी पंचायतीचे तत्कालिन सरपंच चंदानंद हरलकर यांनी सरपंचपदाचा राजीनामा दिला होता. यानंतर पर्रा पंचायतीचे सरपंच पद खाली होते. दरम्यान, गेल्या आठवड्यात गुरुवारी झालेल्या बैठकीत पंचायतीच्या सर्व पंचांनी युवा नेते डॅनियल लोबो यांना समर्थन दिले. लोबो यांची पंचायतीच्या सरपंचपदी बिनविरोध निवड झाली आहे.

डॅनियल लोबो यांची संरपंचपदी निवड झाल्याबद्दल आई वडिल मायकल व दिलायला लोबो यांनी त्यांचे पुष्पगुच्छ देऊन अभिनंदन केले. गावच्या विकासासाठी सर्व प्रयत्न करण्याचे आश्वासन यावेळी डॅनियल लोबो यांनी दिले.