Margao Station Konkan Railway Police: अहमदाबाद, गुजरात येथून अल्पवयीन मुलीला पळवून आणणाऱ्या तरूणाला मडगाव रेल्वे स्थानकावर अटक करण्यात आली आहे. कोकण रेल्वे पोलिसांनी 09 ऑगस्ट रोजी रात्री ही कारवाई केली.

संजय ठाकोर (वय 21, रा. अहमदाबाद, गुजरात) असे आटक संशयित आरोपीचे नाव आहे.

ठाकोर याने अहमदाबाद गुजरात येथून अल्पवयीन मुलीचे अपहरण केले होते. संशयित मडगाव रेल्वे स्थानकावर असल्याची माहिती कोकण पोलिसांना प्राप्त झाली. पोलिसांनी तात्काळ सापळा रचून संशयिताला अटक केली. पोलीस निरीक्षक सुनील गुडलर, पीसी मोहम्मद हुसेन यांनी ही कारवाई केली.

दरम्यान, पीडित मुलीची सुटका करून तिला सुरक्षित कोठडीसाठी बाल संरक्षण गृहात पाठवण्यात आले.