Mining To Restart In Goa

तब्बल सहा वर्षांनंतर गोव्यात पुन्हा खाण उत्खनन सुरू होणार आहे. वेदांताला समंती मिळाली असून, गोवा राज्य प्रदूषण नियंत्रण मंडळाकडून उत्खनन करण्यासाठी परवानगी मिळवणारी वेदांता पहिली कंपनी ठरली आहे.

वेदांताला डिचोली ब्लॉकमधून दरवर्षी 3 दशलक्ष टन लोह खनिज काढण्याची परवानगी देण्यात आली आहे.

खाण लीज नूतनीकरण रद्द करण्याचा सर्वोच्च न्यायालयाने निर्णय घेतल्यानंतर मार्च 2018 मध्ये गोव्यातील खाण उत्खनन ठप्प झाले. तेव्हापासून राज्य सरकार खाण पुन्हा सुरू करण्याचा प्रयत्न करत आहे.

सध्या, राज्य सरकारने नऊ खनिज ब्लॉक्सचा लिलाव केला आहे, त्यापैकी वेदांता उत्खनन करण्यासाठी संमती मिळवणारी पहिली कंपनी ठरली आहे. तर, इतर दोन खाण कंपन्यांनी जनसुनावणी पूर्ण केली आहे.