Goa Milk: गोवा डेअरीच्या दूधाचे दर वाढवण्यासंबंधी निश्‍चिती झाली असून शुक्रवारी होणाऱ्या गोवा डेअरीच्या संचालक मंडळाच्या बैठकीत त्यावर शिक्कामोर्तब होण्याची शक्यता आहे. यामुळे या बैठकीकडे सगळ्यांचे लक्ष लागून राहिले आहे.

गेला बराच काळ गोवा डेअरीच्या दूध दरात वाढ होणार की नाही याबाबतचा प्रश्‍न तसा लोंबकळत राहिला होता, पण या बैठकीत दूध दरवाढ निश्‍चित होणार असल्याचे समजते.

राज्यात गोव्याबाहेरून येणाऱ्या अन्य डेअऱ्यांच्या दूध दरात वाढ झाल्यानंतरही गोवा डेअरीने दूध दरात वाढ केली नव्हती, पण आता ही दरवाढ अनिवार्य असल्याचे सांगण्यात येत आहे.