दाबोळी: गोव्याचे माहिती-तंत्रज्ञान (IT)आणि घनकचरा व्यवस्थापन(SWM) मंत्री मायकल लोबो (Michael Lobo)यांच्या खास दिल्ली भेटीनंतर गोव्यात दाबोळी विमानतळावर पत्रकारांशी बोलताना सांगितले, पक्षाने दिल्लीत चर्चेसाठी बोलावून घेतले होते. गोव्याच्या विधानसभा निवडणुकी विषयी चर्चा झाली. सदर बैठक पक्ष पातळीवर होती. इतर आमदारांना मंत्र्यांनाही दिल्लीत बैठकीस बोलावण्यात येईल.

गेल्या अनेक दिवसापासून काँग्रेसमध्ये (Congress)जाणार अशी चर्चा असलेले गोव्याचे तंत्रज्ञान आणि घनकचरा व्यवस्थापन मंत्री मायकल लोबो यांनी केंद्रीय गृहमंत्री अमित शहा (Amit Shah)यांची काल नवी दिल्ली येथे भेट घेतली. यावेळी त्यांनी गोवा विधानसभा निवडणुकीसंदर्भात विविध विषयावर चर्चा करण्यात आली. यावेळी त्यांच्या समवेत गोवा निवडणूक प्रभारी देवेंद्र फडणवीस उपस्थित होते. दरम्यान मायकल लोबो यांचे गोव्यात दाबोळी विमानतळावर आगमन झाले.

त्यांनी सांगितले की, सदर बैठक पक्ष पातळीवर होती. या बैठकीत विविध विषयावर चर्चा करण्यात आली आहे. तसेच तुमची पत्नी निवडणूक लढविणार? यावर ते म्हणाले की, माझी पत्नी गेली पंधरा वर्षे राजकारणात असून दहा वर्षे सातत्याने पंचायतीच्या सरपंच होत्या. आता शिवली मतदार संघातून ती निवडणूक लढवणार आहे.

गोव्याचे माहिती तंत्रज्ञान आणि कचरा व्यवस्थापन मंत्री मायकल लोबो यांनी केंद्रीय गृहमंत्री अमित भाई शाह यांची काल नवी दिल्ली येथे भेट घेतली ते छायाचित्र. त्यांच्या समवेत गोवा निवडणूक प्रभारी देवेंद्र फडणवीस.