कळसाचे पाणी मलप्रभेत वळविण्यासाठी कालवा खोदण्याचे काम कर्नाटक सरकारने सुरु केले आहे. याबाबत विरोधकांनी गोवा सरकारवर टीकेची झोड उठवल्यानंतर आता गोवा सरकार सर्वोच्च न्यायालयात धाव घेणार आहे.
कर्नाटकविरोधात गोवा अवमान याचिका दाखल करणार असल्याची माहिती जलस्त्रोत मंत्री सुभाष शिरोडकर यांनी दिली आहे.
कळसा-भांडुराचे पाणी मलप्रभेत वळविण्यासाठी कर्नाटक सरकार विविध पद्धतीने प्रयत्न करत असल्याचे वारंवार समोर आले आहे. अलिकडेच त्यांनी कळसाचे पाणी मलप्रभेत वळविण्यासाठी कालवा खोदण्याचे काम सुरु केले आहे.
केरी-सत्तारी येथील विवेकानंद पर्यावरण जागरूकता ब्रिगेडच्या स्वयंसेवकांनी नुकतीच कणकुंबीला भेट दिली असता कालव्याचे काम सुरु असल्याचे त्यांच्या निदर्शनास आले.
गोवा फॉरवर्डचे आमदार विजय सरदेसाई यांनी देखील याबाबत व्हिडिओ शेअर करत याबाबत चिंता व्यक्त केली. तसेच, सरकारवर टीका केली.
दरम्यान, आता या गंभीर प्रकाराची सरकारने देखील दखल घेतली आहे. गोवा सरकार कर्नाटकविरोधात अवमान याचिका दाखल करणार असल्याची माहिती जलस्त्रोत मंत्री सुभाष शिरोडकर यांनी दिली आहे.
तसेच, प्रवाह समितीला पत्र लिहून काम सुरु असलेल्या ठिकाणाचे संयुक्त तपासणी करण्याची मागणी देखील करणार असल्याचे, त्यांनी स्पष्ट केले.
कर्नाटकातून लोकसभेत 28 खासदार जातात, त्यातील बहुतेक भाजपचे असावेत. यासाठी केंद्राकडून जाणूनबुजून म्हादईचा गळा घोटला जातो व सरकार त्याकडे निर्लज्जपणे पाहत आहे, असा आरोप विजय सरदेसाई यांनी केला.
कळसा-भांडुराचे पाणी मलप्रभेत वळविण्यास कर्नाटकचा डाव साध्य झाल्यास गोव्याला मोठी किंमत मोजावी लागेल, असे आमदार वेंझी व्हिएगस म्हणाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.