गोव्यातील चार 'आयएएस' अधिकऱ्यांची (MHA issues transfer orders for IAS officers) बदली झाली आहे. आयएएस अधिकारी संजीत रॉड्रीगीस (2013) यांची अरूणाचल प्रदेश, संजीव गडकर (2013) यांची जम्मू काश्मीर, यतिंद्र मराळकर (2013) यांची लडाख येथे आणि प्रसन्न आचार्य (2016) यांची मिझोरम राज्यात बदली करण्यात आली आहे. यासह पद्दुचेरी मधील देखील चार आयएएस अधिकाऱ्यांची बदली करण्यात आली.

केंद्रिय गृह मंत्रालयाने (Home Ministry) यासंबधीचे आदेश जारी केले असून, तात्काळ प्रभावाने अंमलबजावणी करण्याचे सूचित केले आहे. यापूर्वी एप्रिल 2022 मध्ये गोव्यात कार्यरत असलेल्या पाच आयएएस अधिकारी (IAS) आणि एका आयपीएस (IPS) अधिकाऱ्याची बदली केली होती. त्यानंतर आता आणखी चार आयएएस अधिकाऱ्यांच्या बदलीचे आदेश केंद्रिय गृह मंत्रालयाने दिले आहेत.

दरम्यान, गोव्यात सध्या पंचायत निवडणूकीचे वातावरण आहे. प्रसासन निवडणूका सुरळित पार पडण्यासाठी प्रयत्नशील आहेत. अशात प्रशासकिय अधिकाऱ्यांच्या बदल्या करण्यात आल्या आहेत. राज्यात येत्या 10 ऑगस्टला 186 पंचायतीसाठी मतदान होत आहेत.