पणजी : गेले काही दिवस राज्यात अवकाळी पावसाने सर्वांना झोडपले आहे. मात्र, गेल्या दोन दिवसांपासून तापमानात स्थिरता आहे. हवामान खात्याच्या वेधशाळेच्या अंदाजानुसार पुढील 24 तासात तापमानात मोठे बदल होणार नाहीत. मात्र, 24 तासानंतर तापमानात 1 अंश सेल्सिअसने वाढ होण्याची शक्यता वर्तवण्यात आली आहे. सोमवारी पणजी येथे कमाल 34.4 अंश सेल्सिअस तर किमान 26.5 अंश सेल्सिअस एवढ्या तापमानाची नोंद करण्यात आली. तर मडगाव येथे कमाल 34.7 अंश सेल्सिअस तर किमान 27.7 अंश सेल्सिअस एवढ्या तापमानाची नोंद झाली आहे.

सोमवारी समुद्राच्या वाऱ्यामुळे कमाल तापमान 34 अंशांवर स्थिर होते. पुढील दोन दिवस तापमान 34 ते 36 अंशांच्या दरम्यान राहण्याची शक्यता आहे. त्यानंतर तापमानात पुन्हा वाढ होऊ शकते. 5 मेपासून कमाल तापमानात 3 ते 4 अंशांनी वाढ होण्याची शक्यता आहे. कमाल तापमान 38 अंशांपर्यंत जाऊ शकते. त्यामुळे शहरवासीयांना पुन्हा एकदा कडक उन्हाचा सामना करावा लागत आहे.

हवामान विभागाने दिलेल्या माहितीनुसार, सोमवारी कमाल तापमान 34.2 अंश सेल्सिअस आणि किमान तापमान 27.8 अंश सेल्सिअस इतके नोंदवले गेले. वातावरणातील आर्द्रता सकाळी 77% व सायंकाळी 72% होती. नैऋत्येकडून ताशी 12 किमी वेगाने वारा वाहत होता. विशेष म्हणजे चालू हंगामात कमाल तापमान 42 अंशांवर गेले होते. आता मे महिन्यात पुन्हा एकदा तापमान 40 अंश सेल्सिअसच्या पुढे जाण्याची शक्यता आहे.