तोर्डा येथील विलास मेथर हत्याप्रकरणातील आरोपी प्रशांत दाभोळकर आणि इक्बाल नानपुरी यांना मुंबई उच्च न्यायालयाच्या गोवा खंडपीठाने जामीन मंजूर केला आहे. तोर्डा - पर्वरी येथील विलास मेथर यांच्यावर 14 ऑक्टोबर 2020 रोजी पेट्रोलमिश्रित द्रव्य टाकून त्यांना जिवंत जाळण्याचा प्रयत्न करण्यात आला होता. यात ते गंभीररीत्या जखमी झाले होते. त्यांच्यावर गोमेकॉत उपचार सुरू असता त्यांचा मृत्यू झाला. गोव्याच्या इतिहासात दिवसाढवळ्‍या हल्ला करून जिवंत माणसाला जाळण्याचा प्रकार पहिल्यांदाच घडला होता. त्यामुळे हे प्रकरण बरेच गाजले होते.

या आरोपपत्रात 71 लोकांच्या साक्षी नोंदविल्‍या होत्या. त्यानंतर संशयित यारगट्टी याने न्यायालयात दुसऱ्यांदा जमीन अर्ज दाखल केला होता. तोही न्यायालयाने 9 एप्रिल रोजी फेटाळला. त्यानंतर त्याने मुंबई उच्च न्यायालयाने जामीन अर्ज दाखल केला. पण, उच्च न्यायालयाने यावेळी त्याचा जमीनअर्ज फेटाळून लावल्‍याची माहिती पोलिस निरीक्षक निनाद देऊलकर यांनी दिली होती.

दरमयान, विलास मेथर हत्या प्रकरणातील आरोपी प्रशांत दाभोळकर आणि इक्बाल नानपुरी यांना मुंबई उच्च न्यायालयाच्या गोवा खंडपीठाने आज जामीन मंजूर केला आहे.