Madgao Palika : मडगाव नगरपालिकेचे मुख्याधिकारी गौरीश शंखवाळकर यांच्या चेंबरमधील सीसीटीव्ही हटविल्याने नगरसेवक महेश आमोणकर यांनी आश्र्चर्य व्यक्त केले आहे. नगरपालिकेच्या सर्वच विभागांसह नगराध्यक्ष व मुख्याधिकारी चेंबरमध्ये सीसीटीव्ही लावले होते.

गत साली लिंडन परेरा नगराध्यक्ष असताना पालिकेत सीसीटीव्ही बसविले होते. गेल्या काही काळापासून मुख्याधिकारी चेंबरमधील सीसीटीव्ही कॅमेरा कार्यरत नव्हता म्हणून तो काढण्यात आला. जर वरिष्ठ अधिकारी त्यांच्या स्तरावर शिस्त पाळत नसतील तर पालिकेतील सर्व सीसीटीव्ही काढूनच टाकावे, असे आमोणकर म्हणाले.

काही कर्मचाऱ्यांनीही प्रश्र्न उपस्थित केला आहे की त्यांच्यावरच रोष का? नगराध्यक्ष व मुख्याधिकारी यांच्या चेंबरमध्ये काय चालले आहे याचे रिकोर्डिंग केले पाहिजे व लक्षही ठेवले पाहिजे. नगरपालिकेने २.५ लाख रुपये खर्चून ३२ सीसीटीव्ही कॅमेरे घेतले होते. कर्मचारी वेळेवर येतात, वेळेवर जातात तसेच कर्मचारी खरोखरच काम करतात की नाही हे पाहण्यासाठी हे कॅमेरे बसवले आहेत.

महेश आमोणकर, नगरसेवक