फातोर्डा: गोव्यात होऊ घातलेल्या रेल्वे मार्ग विद्युतीकरण प्रकल्पाचे काम पूर्ण होऊन मडगाव ते कारवार दरम्यानच्या रेल्वे ट्रॅकची तपासणी रेल्वे सेफ्टी बोर्ड कडून करण्यात आली आहे. यानंतर थिवी ते मडगाव दरम्यानच्या रेल्वे ट्रॅकची तपासणी येत्या सोमवारी होणार असून या दोन्ही रेल्वे ट्रॅकला ग्रीन सिग्नल मिळात्यानंतर गोव्यातील रेल्वे ट्रॅकवरून विद्युती प्रकल्पाच्या मार्गावरील रेल्वेला सुरुवात होणार आहे.

कोकण रेल्वेच्या (Konkan Railway) अधिकऱ्याने दिलेल्या माहितीनुसार, मडगाव ते कारवार दरम्यानच्या रेल्वे ट्रॅकच्या तपासणीवेळी रेल्वे सेफ्टी बोर्ड कडून पाहणी नंतर सर्व काही सुरळीत असल्याचे सांगण्यात आले आहे. यानंतर त्यांच्या अहवालाप्रमाणे, ग्रीन सिग्नल आल्यानंतर येथील मार्गावरून विद्युत तारेच्या सहाय्याने चालणाऱ्या रेल्वेंना सुरुवात होणार आहे .

सोमवारी थिवी ते मडगाव रेल्वेमार्गाची तपासणी रेल्वे सेफ्टी बोर्ड कडून करण्यात येणार आहे. गोव्याबाहेरील रेल्वे ट्रॅकवर विजेवर चालणाऱ्या रेल्वेंना सुरुवातही करण्यात आली असून यात कर्नाकातील मेंगलूर ते कारवार दरम्यान व उत्तर भारतातून दाखल होत असलेल्या रेल्वे महाराष्ट्रातील रत्नागिरीपर्यंत येत आहेत. यातील कोकण रेल्वेच्या अंतर्गत येत असलेल्या दादर ते रत्नागिरीपर्यंतच्या रेल्वे मार्गावर विद्युतीकरणावर चालणाऱ्या पेसेंजर (Passenger) ट्रेनला सुरुवात करण्यात आली असल्याची माहिती कोकण रेल्वेचे जनसंपर्क अधिकारी बबन घाटगे (Baban Ghatge) यांनी दिली.