मडगाव, सुसाट वेगाने वाहने हाकल्‍यामुळे राज्‍यात अपघात वाढत असून या वेगाला आळा घालण्‍यासाठी आता पोलिसांनीही मोहीम सुरू केली आहे.
धूम स्‍टाईलने वाहने चालविणाऱ्यांवर मडगाव वाहतूक पोलिसांनी कारवाई करीत चालू वर्षाच्‍या पहिल्‍या पाच महिन्‍यांत जानेवारी ते २९ मे पर्यंत अतिवेगाने वाहने हाकणाऱ्या १,१६८ जणांकडून ९ लाख ४० हजार रुपयांचा दंड वसूल केला आहे.
चालू वर्षाच्‍या पहिल्‍या पाच महिन्‍यांत जानेवारी ते २९ मे पर्यंत वेग मर्यादेचे उल्‍लंघन करणाऱ्या ११६८ वाहन चालकांवर कारवाई केली
आहे.
वाहनांची गती मोजण्‍यासाठी सध्‍या पोलीस स्‍पीड गनचा वापर करीत आहेत. या स्‍पीडगनद्वारे साधारणतः एक कि.मी. अंतरावरून वाहनाचा वेग मोजणे शक्‍य होते. त्‍यामुळे समोर वाहतूक पोलीस दिसल्‍यानंतर वाहनाचा वेग कमी करून काहीही साध्‍य होत नाही, अशी माहिती वाहतूक पोलीस निरीक्षक संजय दळवी यांनी दिली.
मडगाव शहरात वाहतुकीवर नियंत्रण ठेवण्‍यासाठी विशेषतः अतिवेगाने वाहने हाकणाऱ्यांवर नजर ठेवण्‍यासाठी पोलिसांकडे एक स्‍पीडगन आहे असे त्‍यांनी सांगितले.
महिनावार कारवाई
महिना कारवाया दड वसूल
जानेवारी २७४ २,७३,५००
फेब्रुवारी २०३ २,०५,०००
मार्च २६५ २,६३,५००
एप्रिल २२६. २,२२,०००
मे. १९८. १,९८,०००
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.