गोव्यात अपघाताच्या घटनांमध्ये कमी होताना दिसत नाही. राज्यात दररोज घडणारे अपघात प्रशासन आणि सरकार दोघांसाठी चिंतेचा विषय ठरत आहे. मडगावातील एसबीआय बँकेजवळ झालेल्या अपघातात महिलेचा मृत्यू झाला आहे.

महिला रस्ता क्रॉस करण्याचा प्रयत्न करत असताना भरधाव बसने तिला धडक दिल्याने त्यात ती जखमी झाली. उपचारासाठी महिलेला रुग्णालयात दाखल करण्यात आले मात्र, महिलेचा मृत्यू झाला. पोलिसांनी घटनेचा पंचनामा केला असून, अधिक तपास सुरु आहे.