Crime News : फातोर्डा आरपीएफ मडगावने दारूच्या बाटल्यांनी भरलेली एक बॅग जप्त केली आहे आणि याप्रकरणी अटक केलेल्या व्यक्तीकडून ३४ हजार रुपयांचा दारूसाठा जप्त करण्यात आला.

‘आरपीएफ’चे गस्ती पथक कोकण रेल्वे स्थानकावर टेहळणी करीत असताना एका टोकाला एक व्यक्ती जड ट्रॉली बॅग आणि दोन लहान साहित्याच्या पिशव्या घेऊन जात असल्याचे त्यांच्या निदर्शनास आले.

यावेळी त्या सर्व बॅगांची तपासणी केल्यानंतर त्यामध्ये गोवा बनावटीची दारू आढळून आली.

पोलिसांना ती जप्त केली. नंतर त्या व्यक्तीची चौकशी केली असता एस.आय. लखन सिंग (५३) असे त्याने आपले नाव सांगितले.