पणजी: म्‍हापशाचे आमदार ज्‍योशुआ डिसोझा यांची उपसभापतिपदी निवड झाल्‍याबद्दल त्‍यांच्‍या अभिनंदनाचा ठराव आमदार उल्हास तुयेकर यांनी विधानसभेत मांडला. खरे तर उपसभापती हा विरोधी गटाचा असायला हवा.

(Mapusa MLA Joshua D'Souza was elected as Deputy Speaker)

या पदावर बसणाऱ्या व्‍यक्‍तीने पक्षविरहीत काम करणे असे अपेक्षित असते. ज्‍योशुआ हे तरुण आणि धडाडीचे आहेत. ते या पदाला निश्‍चित न्‍याय देतील, असे आमदार विजय सरदेसाई यावेळी म्हणाले.

मुख्यमंत्री डॉ. प्रमोद सावंत म्हणाले, उपसभापती म्‍हणून एक उमदे व्‍यक्तिमत्त्व या सभागृहाला लाभले असून ते या पदाला योग्‍य तो न्‍याय देतील. यावेळी आलेक्‍स सिक्‍वेरा, दिगंबर कामत, माविन गुदिन्‍हो, रोहन खवंटे, नीलेश काब्राल, नीळकंठ हळर्णकर यांनीही विचार मांडले.