मोरजी: मांद्रे येथील मारिया फर्नांडिस या महिलेचा गाडी अंगावर घालून खून करणारा दीपन राजू बत्रा (२३) याला मांद्रे पोलिस खाजगी वाहनातून इतरत्र हलवत असल्याची कुणकुण लागताच शेकडो मांद्रेवासीयांनी पोलिस स्‍थानकावर धडक दिली.

तसेच त्‍या वाहनाला घेराव घालून ते पोलिस स्‍थानकाच्‍या गेटवरच अडविले व तसेच मागे हटविण्यास भाग पाडले.संशयित दीपन बत्रा याला मांद्रे पोलिस व्हीआयपी ट्रिटमेंट देत असल्याचा आरोप ग्रामस्‍थांनी केला.

न्‍याय मिळेपर्यंत गप्‍प बसणार नाही

पोलिस निरीक्षक अर्ध्या तासाने घटनास्थळी पोहोचले. ॲड. प्रसाद शहापूरकर, सरपंच राजेश मांजरेकर व इतरांनी त्‍यांच्‍याशी चर्चा करून जोपर्यंत फर्नांडिस कुटुंबाला न्याय मिळत नाही, तोपर्यंत आम्‍ही गप्‍प बसणार नाही असा इशारा दिला.