मडगाव : मडगाव परिसरात मासेमारी करण्यासाठी गेलेला व्यक्ती बुडाल्याची घटना घडली आहे. महेश काकोडकर असं बुडालेल्या तरुणाचं नाव असून तो केपे भागातील रहिवासी असल्याची प्राथमिक आहे. (Man Drown in Madgaon News Updates)

कुंकळ्ळी पोलिसांनी (Police) दिलेल्या माहितीनुसार महेश काकोडकर नावाचा व्यक्ती मासेमारी करण्यासाठी गेला होता. मात्र अचानक तोल गेल्याने पाण्यात पडला. भरती असल्यामुळे तो पाण्यात ओढला गेला आणि बुडाला. ही व्यक्ती रविवारपासून बेपत्ता होती. मात्र सोमवारी त्याचा मृतदेह असोल्णा येथे पाण्यावर तरंगताना आढळला. पोलिसांनी अग्निशमन दलाच्या (Fire Brigade) मदतीने मृतदेह बाहेर काढून कुटुंबीयांच्या हवाली केला आहे.

दरम्यान सावर्डेतील एका तरुणाने स्वत:चे जीवन संपवण्याचा प्रयत्न करत एका विहिरीत उडी मारल्याचा प्रकार नुकताच घडला होता. तरुणाने ज्या विहिरीत उडी मारली त्यात पाणी जास्त खोल नसल्याने त्याचा आत्महत्येचा प्रयत्न फोल ठरला. हा प्रकार पाहताच गावकऱ्यांनी तात्काळ अलार्म वाजवला आणि वाळपई (Valpoi) अग्निशमन आणि आपत्कालीन सेवांना फोन केला. त्यांनी वेळीच घटनास्थळी पोहोचून तरुणाची सुटका केली.