काणकोण: होन्नावर कर्नाटक येथील अनंत अशोक नाईक(वय 48)यांनी चावडी येथे एका शाळा इमारतीजवळ गळफास घेऊन आत्महत्या केली.ही घटना आज दुपारी उघडकीस आली. ज्या झाडाला दोरखंड बांधून गळफास घेतला त्या झाडाजवळच पोलिसांना त्यांची बॅग सापडली आहे.

(Man commits suicide by hanging at canacona)

त्याचप्रमाणे खिशात आधार कार्डही सापडले आहे. काणकोण पोलिसांनी मृतदेह ताब्यात घेऊन तो वैद्यकीय तपासणीसाठी मडगाव येथील हॉस्पिसियु इस्पितळात पाठवून दिला आहे. प्राप्त माहितीनुसार गेले दोन दिवस मयत चावडी येथे फिरत होता.आज दुपारी काही मुलांना झाडाला मृतदेह लोंबकळत असल्याचे दिसल्यानंतर त्यांनी वडीलधाऱ्यांना याची माहिती दिली. दरम्यान घटनास्थळी पोलिस दाखल झाले. तसेच पोलिसांनी त्याच्या आधार कार्डावरील पत्त्यावर संपर्क साधला आहे. त्याच्या आधार कार्डावर दोड्डमनेकेरी-कुद्रीगे होन्नावर उत्तर कन्नडा असा पत्ता आहे.