केपे: केपे बाजारातील मुख्य रस्त्यालगत असलेल्या सहा दुकानांना सोमवारी सकाळी साडेआठच्या सुमारास भीषण आग लागली. या दुर्घटनेत लाखो रुपयांचे नुकसान झाले.

दोन हॉटेल्‍स, दोन किराणा दुकाने आणि एका विमा कार्यालयातील साहित्‍य आगीत जळून खाक झाले. माहिती मिळताच कुडचडे अग्निशमन दलाने घटनास्थळी धाव घेत दोन अग्निशमन बंबांच्या साहाय्याने त्‍यावर नियंत्रण मिळविले.

आग भडकताच स्थानिकांनी हॉटेलमधील गॅस सिलिंडर तत्काळ बाहेर काढल्याने मोठा अनर्थ टळला. आगीचे नेमके कारण अद्याप स्पष्ट झालेले नाही. केपे पोलिसांनी पंचनामा केला असून संबंधित यंत्रणांकडून तपास सुरू आहे.