गोवा क्रिकेट असोशिएशनचे तत्कालीन सचिव आणि विद्यमान अध्यक्ष विपुल फडके यांनी नियमांचे उल्लंघन करत निवडणूक जाहीर झाली असताना क्रिकेट क्लबना निधी पुरविला. त्यामुळे निवडणूक प्रक्रिया प्रभावित झाली. तसेच आचारसंहितेचे उल्लंघन झाले. अशा प्रकारच्या कृत्यांमुळे मी निवडणूक हरलो असल्याने याबाबत लोकपालांकडे तक्रार केली असल्याचे प्रतिपादन सनी स्पोर्टस्‌ क्लबचे अध्यक्ष महेश देसाई यांनी केले. ते पणजी जिमखाना येथे आयोजित पत्रकार परिषदेत बोलत होते. यावेळी त्यांच्यासोबत केतन भाटीकर, विकास पार्सेकर उपस्थित होते.
भाटीकर म्हणाले, निवडणूक जाहीर झाल्यानंतर कोणत्याही प्रकारचा निधी देता येत नाही. मात्र विपुल फडके यांनी पदाचा गैरवापर करून विविध संस्थांना निधी मंजूर केला. त्यामुळे निवडणूक प्रक्रिया प्रभावित झाली असून एकाअर्थी गोवा क्रिकेट असोशिएशनला लागू असलेल्या बीसीसीआयच्या निवडणूक संहितेचे उल्लंघन झाले. कायद्याप्रमाणे फडते यांना बडतर्फ करावे, अशी मागणी भाटीकर यांनी केली.
जे घडले ते चुकीचे; कारवाई गरजेची
जी घटना घडली ती चुकीची आहे. अशा प्रकारची घटना भविष्यात घडता कामा नये. अशी कृत्ये करून खुर्ची मिळविणे गैर आहे. जर विपुल फडके यांना निधी द्यायचाच होता तर त्‍यांनी तो निवडणुकीपूर्वी द्यायला हवा होता. त्यामुळे या प्रकरणी योग्य ती कारवाई होणे गरजेचे आहे, असे देसाई म्हणाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.