म्हादई जलवाटप तंटा लवादाच्या आदेशानुसार स्थापन झालेल्या प्रवाह अधिकारीणीने उत्तमपणे काम सुरु केल्यानेच कर्नाटकचा तिळपापड होत आहे. प्रवाहने कर्नाटकाने म्हादईचे पाणी वळवण्यासाठी चालवलेल्या प्रयत्नांची पाहणी केल्यानंतर तेथे उमटत असलेले पडसाद हेच दर्शवतात असे मुख्यमंत्री डॉ. प्रमोद सावंत यांनी नमूद केले.
दरम्यान, बेळगाव येथे कदंबची बस अडवून, बसच्या टपावर चढून गोवा विरोधी घोषणा देण्यात आल्याकडे त्यांचे लक्ष वेधले असता त्यांनी ही प्रतिक्रीया दिली.
ते म्हणाले की, ही अधिकारीणी पाहणीचा अहवाल तयार करेलच. तो आम्हाला मिळाला, की सर्वोच्च न्यायालयातील खटल्यात आम्हाला तो उपयोगी ठरणार आहे. या अहवालामुळे कर्नाटकाचे कारनामे उघड होणार आहेत. कर्नाटकाने म्हादईचे पाणी पळवण्यासाठी चालवलेल्या प्रयत्नांचे पुरेसे पुरावे आहेत. ते योग्य वेळी न्यायालयासमोर (Court) आम्ही ते सादर करु.
प्रवाह अधिकारीणीने दिल्लीला अहवाल सादर केल्याची कर्नाटकातील वर्तमानपत्रांत आज प्रसिद्ध झालेल्या बातम्या दिशाभूल करणाऱ्या आहेत, असा कोणताही अहवाल तयार केलेला नाही. अहवाल केलाच तर तो केंद्र सरकारला (Central Government) सादर करण्याचा प्रश्नच उद्‍भवत नाही कारण अधिकारीणी ही स्वतंत्र आहे असे जलसंपदा मुख्य अभियंता प्रमोद बदामी यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.