मडगाव: मडगावचे नगराध्यक्ष लिंडन परेरा (Lindon Pereira) हे 28ऑगस्ट पर्यंत या पदावरून खाली उतरून हे पद दिगंबर कामत (MLA Digmbar Kamat) गटाच्या सदस्याला मोकळे करून देणार असल्याचे गोवा फॉरवर्डचे अध्यक्ष विजय सरदेसाई (Goa Forward MLA Viajy Sardesai) यांनी स्पष्ट केले.

या विषयावर चर्चा करण्यासाठी सरदेसाई यांची मडगावचे कामदार दिगंबर कामत यांच्या बरोबर चर्चा झाली त्यावेळी मी हा आमचा निर्णय कामत याना सांगितला आहे असे सरदेसाई यांनी सांगितले.

मडगाव पालिका (Margao Muncipal Council) निवडणुकीत सरदेसाई आणि कामत यांनी एकत्र येऊन आपले संयुक्त पॅनल उभे केले होते. हे पॅनल जिंकून आल्यानंतर पहिले 15 महिने सरदेसाई गटाचा नगराध्यक्ष तर नंतरच्या 15 महिन्यासाठी कामत गटाचा नगराध्यक्ष असे ठरले होते.

28 ऑगस्टला ही मुदत संपत आहे. आम्ही सुरवातीला जो शब्द दिला होता तो पाळणार आहेत. मडगावचा पुढचा नगराध्यक्ष कोण हे आता दिगंबर कामत आणि त्यांच्या गटाने ठरवायचे आहे असे सरदेसाई यांनी सांगितले.