सांकवाळ येथील संरक्षित स्थळावर विजयादुर्गा देवी मूर्तीची स्थापना करून धार्मिक तेढ निर्माण केल्याप्रकरणी आठ व्यक्तींविरोधात गुन्हा नोंद केला होता. गुन्हा नोंद केल्यापासून त्यातील सहाजण बेपत्ता असल्याने त्यांच्याविरोधात ‘लुक आऊट’ नोटीस जारी करण्यात आली आहे.

गेल्या १७-१८ ऑगस्टला आठ व्यक्तींनी एकत्र येऊन मध्यरात्री विजयादुर्गा देवी मूर्तीची संरक्षित जागेवर स्थापना केली होती. ही माहिती मिळाल्यावर सांकवाळ परिसरातील एका चर्चचे फादर व काही ख्रिश्चन धर्मीय रात्रीच्या वेळी एकत्र आले होते.

त्यामुळे तेथे तणाव निर्माण झाला होता. परंतु पोलिसांनी समजूत काढल्यावर परिस्थिती निवळली होती. त्यानंतर स्थानिक रहिवासी कालिदास वायंगणकर, करणी सेनेचे संतोषसिंह राजपूत यांच्यासह आठजणांविरोधात गुन्हा नोंद करण्यात आला होता.