सुभाष महाले
CM Pramod Sawant: आदर्श युवा संघ व बलराम शिक्षण संस्थेचा ‘लोकोत्सव’ हा भाजप सरकारच्या अंत्योदय, सर्वोदय व ग्रामोदय या तत्त्वावर चालत आहे त्यामुळे या लोकोत्सवाला सरकारचे सर्व सहकार्य असल्याचे मुख्यमंत्री डॉ. प्रमोद सावंत यांनी लोकोत्सवाच्या उद्घाटन सोहळ्यात सांगितले.
आपल्या समाजाबरोबर अन्य समाजांचा पर्यायाने काणकोण तालुक्यातील प्रत्येक घटकाला आर्थिक व सामाजिक दृष्ट्या सक्षम व समृद्ध करणे हा रमेश तवडकर यांचा ध्यास आहे. त्यांच्या या संकल्पनेला सरकारचा पूर्ण पाठिंबा आहे, असेही मुख्यमंत्री म्हणाले.
यावेळी यूपीचे सभापती सतीश महानप, आमदार डॉ.निकी अंब्री (बिहार), उपसभापती जोसुआ डिसोजा सुवर्णा तेंडूलकर, नगराध्यक्ष रमाकांत नाईक गावकर, सरपंच सविता तवडकर उपस्थित होते.
सत्कारसोहळा
मुख्यमंत्र्यांच्या हस्ते मुख्य सचिव पुनीत कुमार गोयल, महसूल सचिव संदीप जॅकीस, ज्येष्ठ संपादक किरण ठाकूर, प्रदीप डा कॉस्ता, ‘गोमन्तक’चे सुशांत कुंकळ्येकर, मेघना शेट, तेजस्वी पै, इशा सावंत यांचा सत्कार करण्यात आला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.