सांगे येथील नियोजित आयआयटी प्रकल्प उभारण्यास स्थानिक शेतकऱ्यांना आज विरोध दर्शवला आहे. रविवारी आयआयटी समर्थकांनी सभा उधळल्यानंतर स्थानिकांनी शेतात पत्रकार परिषद घेत. या प्रकल्पाच्या विरोधात आपली भूमिका घेतली आहे. (Local opposition to proposed IIT project at Sanguem )

मिळालेल्या माहितीनुसार सांगे तालूका सांगे येथे गोवा सरकारने आयआयटी उभाण्याच्या विचारातून एक प्रस्ताव नियोजित केला आहे. न्यायालयाच्या बाजुला असलेल्या शासकीय जागेवर 7.5 लाख चौ.मी. क्षेत्रात हा प्रकल्प उभारण्याचा प्रस्ताव गोवा राज्य सरकारच्या विचाराधीन आहे. त्यामूळे काही नागरिक या प्रस्तावास सकारात्मक प्रतिसाद देत आहेत. तर काही नागरिक या प्रकल्प होऊ नये, अशी भुमिका काही स्थानिकांनी घेतला आहे. त्यामूळे राज्य सरकार हा प्रकल्पाबाबतीत नेमकी काय भुमिका घेणार हे पाहणे महत्त्वाचं ठरणार आहे.

Vishwajit Rane : फार्म हाऊस धोरणात बदल करणार

पणजी : राज्यातील वनराई राखून ठेवण्यासाठी फार्म हाऊस धोरणाची खरोखरच गरज आहे. हे धोरण यापूर्वीही होते, परंतु त्यात काहीसा बदल करून ते अंमलात आणले जाईल. त्यासाठी बऱ्याच प्रक्रिया कराव्या लागतील, अशी माहिती नगरनियोजनमंत्री विश्‍वजीत राणे यांनी दिली.

अधिवेशनाच्या सातव्या दिवशी विधानसभा परिसरात माध्यमांशी बोलताना राणे म्हणाले की, आपले वडील प्रतापसिंह राणे हे मुख्यमंत्री व नगरनियोजनमंत्री असताना त्यांनी फार्म हाऊस धोरण आणले होते. त्यानंतर माजी मुख्‍यमंत्री मनोहर पर्रीकर यांनी त्यात बदल केला. परंतु सध्या राज्यातील वनराई किंवा हरितपट्टा राखून ठेवण्यासाठी या धोरणाची नितांत गरज असल्याचे आपणास वाटते.