Lightning strikes Holy Spirit Church in Margao

मडगाव: परतीच्या पावसाचा मडगावलाही काही प्रमाणात फटका बसला, आज सायंकाळीं गडगडाटासह आलेल्या पावसात विजेच्या तडाखा येथील होली स्पिरीट चर्चला बसून वरच्या घुडाकडील काही भागाची पडझड झाली.

ही घटना सायंकाळी सहाच्या सुमारास घडली. यावेळी चर्चमध्ये मास चालू होते. अस्कमात मोठा आवाज झाल्याने भाविक घाबरले. ते घाबरून बाहेर आले असता वरील घुडाकडील काही भागाची पडझड होऊन काही भाग कोसळून खाली पडल्याचे त्यांना दिसून आले.

मडगावमधील ही होली स्पिरीट चर्च सोळाव्या शतकात बांधली होती. स्थापत्य शास्त्राचा एक उत्कृष्ट नमूना म्हणून या वास्तूकडे पाहिले जाते. विजेच्या तडाख्यात काही किरकोळ प्रमाणात पडझड झाली तरी सर्व भाविक चर्चमध्ये माससाठी आत असल्यामुळे सुदैवाने कोणालाही इजा पोहोचली नाही.