शिरसोडे-सत्तरी येथे भक्ष्याच्या शोधात लोकवस्तीत आलेला बिबटा रात्री विहिरीत पडला. या बिबट्याला शुक्रवारी सकाळी वन खात्याने स्थानिक रहिवाशांच्या मदतीने जीवदान दिले. बिबटा विहिरीत पडल्याचे वृत्त समजल्यानंतर गावात एकच खळबळ उडाली होती. शुक्रवारी संध्याकाळी त्याला बोंडला अभयारण्यात सोडण्यात आले.
मिळालेल्या माहितीनुसार, म्हादई अभयारण्याजवळील शिरसोडे गावात पहाटेच्या सुमारास नर जातीचा बिबटा भक्ष्याच्या शोधात आला. दयानंद गावकर यांच्या घराशेजारील विहिरीत तो पडला. सकाळी दयानंद गावकर यांनी वन खात्याला या प्रकाराची माहिती दिली.
म्हादई अभयारण्यातील वन कर्मचारी तसेच अधिकारी गौरीश बैलुंडकर आणि वाळपई वन खात्याचे आरएफओ श्यामसुंदर गावस यांच्या मार्गदर्शनाखाली स्थानिकांच्या मदतीने अथक परिश्रमानंतर बिबट्याला पाण्याबाहेर काढण्यात यश आले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.