Leopard Attack: बिबट्या मानववस्तीत घुसून हल्ला करण्याच्या अनेक घटना याआधी राज्यात घडल्या आहेत. अशीच एक घटना धारबांदोड्यात घडली आहे.

माहितीनुसार, गिडगें - धारबांदोडा येथील बाळकृष्ण मराठे यांच्या गुरांच्या गोठ्यात घुसून बिबट्याने वासराचा फडशा पाडल्याचा संशय व्यक्त करण्यात येत आहे. याप्रकरणी वन कर्मचारीदेखील घटनास्थळी दाखल झाले असून ते या घटनेबाबत तपास करत आहेत.

जर खरच हा हल्ला बिबट्याने केला असेल तर परिसरातील नागरिकांच्या जीवाला धोका असण्याची शक्यता आहे. त्यामुळे गावकऱ्यांमध्ये भीतीचे वातावरण निर्माण झाले आहे. याबाबत अधिक माहिती अद्याप स्पष्ट झालेली नाही.