गोवा: विधानसभा निवडणुकीसाठी राज्यात अनेक राजकीय उलथापालथी झाल्या, यंदाच्या निवडणुकीत भाजपचे राजकारण चांगलेच चर्चेत होते. उत्पल पर्रीकर आणि लक्ष्मीकांत पार्सेकर यांनी दोघांनी तर भाजपला नाकारून आपली वाट वेगळी धरली दोघेही अपक्ष उमेदवार म्हणून आपली निवडणूक लढवत आहेत. (Laxmikant Parsekar Statment on Goa BJP)

मांद्रे (Mandrem) विधानसभा मतदार संघात अपक्ष निवडणूक (Goa Assembly Election) लढवत असलेल्या लक्ष्मीकांत पार्सेकर (Laxminkant Parsekar) यांनी पत्रकरांना दिलेल्या मुलाखतीत त्यांच्या विजयाचा आत्मविश्वास बोलून दाखवला ते पुढे म्हणाले; "राज्यात भाजपची सत्ता पुन्हा येत नाही. असे ठाम मत पार्सेकर यांनी मांडले आहे. भाजपला पुन्हा सत्ता स्थापन करण्यासाठी आपल्या पाठिंब्याची गरज लागली तर त्याबाबत विचार करायला मला मोठा काळ लागेल, असा टोलाही पार्सेकर यांनी लगावलाय.