पणजी :  राज्यात गेल्या दोन दिवसांपासून थंडी जाणवू लागली आहे. गेल्या चोवीस तासात पारासुद्धा खाली आला आहे. गोवा वेधशाळेने दिलेल्या माहितीनुसार समुद्र अद्यापही खवळलेल्या अवस्थेत आहे. समुद्रावरील वातावरण वादळी असल्याने मासेमाऱ्यांनी समुद्रात उतरू नये, असा इशारा देण्यात आला आहे. दरम्यान, समुद्रानजीक जाताना नागरिकांनीही काळजी घ्यावी, असे आवाहन करण्यात आले आहे. शिवाय यासंदर्भात दृष्टीच्या सुरक्षारक्षकांनासुद्धा सतर्क करण्यात आले आहे.  मिळालेल्या माहितीनुसार, राज्यात गेल्या चोवीस तासात कमाल ३३ अंश सेल्सिअस आणि किमान २२ अंश सेल्सिअस इतक्या तापमानाची नोंद झाली आहे. समुद्रावर वाऱ्याचा वेग चांगलाच वाढला असून हा वेग ४५ ते ५५ कि.मी. प्रती तास असा असणार आहे. वाऱ्याचा वेग वाढण्याची शक्यतासुद्धा हवामान खात्याने व्यक्त केली आहे.
 

अधिक वाचा :

गोवा लोकायुक्त कायद्यात दुरुस्तीची ॲड. आयरिश रॉड्रिग्ज यांची सरकारकडे मागणी 

जुने गोवे चर्चजवळचे वारसा स्थळ जपण्यासाठी विजय सरदेसाईंचे युनेस्कोला पत्र

गोव्यातील कोरोनाच्या चाचण्यांची संख्या वाढली