मिर्याभाट, मंडूर येथे घराची भिंत कोसळून मृत्यू झालेला आई मारिया आणि मुलगा आल्फ्रेड रॉड्रिग्ज यांच्या पार्थिवावर आज दुपारी मंडूर येथील अवर लेडी ऑफ ऍम्पोरो अंत्यसंस्कार करण्यात आले. काल झालेल्या घटनेनंतर सांतआंद्रे मतदारसंघात रॉड्रिग्ज कुटुंबासाठी सहवेदना व्यक्त केली जात आहे.

आमदार वीरेश बोरकर यांनी या विषयी मुख्यमंत्री डॉ. प्रमोद सावंत यांच्यासोबत चर्चा केली. घराचे दुरुस्ती बांधकाम सार्वजनिक बांधकाम खात्यामार्फत केले जाईल, तसेच आपत्कालीन व्यवस्थापन निधी आणि मुख्यमंत्री मदत निधीतून आर्थिक मदत करण्याचे आश्वासन दिल्याचे बोरकर यांनी माहिती दिली. काल दुपारी ३ वा. सुमारास ही घटना होती.