Mumbai Goa Highway Video: मुंबई-गोवा राष्ट्रीय महामार्ग चौपदरीकरणाचे काम सुरु असून, याबाबत वारंवार विविध घटना समोर येत असतात. महामार्गावरील अपघात असो की खड्डयांची समस्या उपस्थित करण्यात येतात.

दरम्यान, नुकतेच महामार्गावरील चिपळूण येथे उड्डाणपुलाचा भाग कोसळला आहे. याचा व्हिडिओ सध्या सोशल मिडियावर व्हायरल होत आहे.

चिपळुणात काम सुरु असलेल्या उड्डाणपुलाच्या पाचव्या पिलरच्या ठिकाणी असलेले गर्डर सोमवारी सकाळी खचले. त्यामुळे परिसरात जोरदार आवाजही झाला. यावेळी नागरिकांची पळापळ झाली. तूर्तास या पुलाचे काम थांबविण्यात आले आहे.

गर्डर तुटला त्यावेळी सुदैवाने या परिसरात कोणी नसल्याने कोणतीही जीवीत हानी झाली नाही. गर्डर तुटला त्यावेळी सुदैवाने या परिसरात कोणी नसल्याने कोणतीही जीवीत हानी झाली नाही.

सकाळी घटना घडली त्यावेळी आधी स्फोटासारखा आवाज आला. स्थानिक घराबाहेर आले. त्यावेळी पूल हलताना दिसला. याचा व्हिडिओ सध्या सोशल मिडियावर व्हायरल होत आहे. दरम्यान, या घटनेमुळे लोक अधिकच भयभीत झाले.