सत्तरी : गोव्यात अपघातांचं सत्र सुरुच असल्याचं दिसत आहे. सत्तरीमधील गुळेली भागात मंगळवारी सकाळी पुन्हा एक अपघात पाहायला मिळाला. या अपघातात भरधाव कारची वीजेच्या खांबाला जोरदार धडक बसली. यात कारमधील तरुणी जखमी झाल्याची माहिती आहे. (Car Accident in Gulelim News Updates)

सत्तरी परिसरातील गुळेली भागात मंगळवारी सकाळी कारचा (Car) अपघात झाला. कारने रस्त्याशेजारील वीजेच्या खांबाला जोरदार धडक दिली. यात वीजेचा खांब वाकून विद्युतभारित तारा रस्त्यावर आल्या. अपघातात कारमधील तरुणीला इजा झाल्याने तिला तातडीने रुग्णालयात दाखल करण्यात आलं. तिच्यावर उपचार सुरु असल्याची माहिती आहे. दरम्यान वीजेच्या तारा रस्त्यावर आल्यामुळे काहीकाळ वाहतुकीचाही (Traffic) खोळंबा झाला होता. अपघाताचं नेमकं कारण मात्र अद्याप समजू शकलेलं नाही.

दरम्यान गोव्यात गेल्या आठवडाभरात अपघातांचं (Accident) सत्र वाढलं आहे. ओल्ड गोवा परिसरात माड कोसळून एका दुचाकीस्वाराला आपला जीव गमावावा लागला होता. तर बांबोळी परिसरात भरधाव बसवरील चालकाचा ताबा सुटल्याने 20 प्रवासी जखमी झाले होते. या अपघातात चालकही गंभीर जखमी झाला होता.