कुळे मोले ते शिगावला जाणाऱ्या मुख्य रस्त्यावर वीज खात्याने केबल घालण्यासाठी खोदलेल्या चरावर दगड घालून डांबर घालणे गरजेचे होते.

मात्र, तसे काहीही केलेले दिसत नाही. आता हे चर अत्यंत धोकादायक बनल्याने संबंधित खात्याने याची दखल घेऊन दुरुस्ती करावी, अशी मागणी होत आहे. मोले-नववाडा येथील ग्रामस्थ चंद्रशेखर यांनी दिलेल्या माहितीनुसार, वीज खात्याने अंतर्गत केबल घालण्यासाठी खोदलेल्या चरांची दुरुस्ती केलेली नाही.

वेगाने येणारी वाहने त्यावरून जाताना मोठा आवाज होत असल्याने या वाहनाचे नुकसान होत आहे. तेव्हा संबंधित खात्याने याची दखल घ्यावी व तातडीने या रस्त्यावरील सर्व चर बुजवून वाहनांसाठी हा रस्ता सुरळीत करावा.