Goa illegal Fishing

बायणा आणि वास्को येथील मच्छिमारांनी मालपे कर्नाटक येथील मच्छिमारांच्या बेकायदेशीर मासेमारीवर संताप व्यक्त केला आहे. सोशल मीडियावर व्हायरल होणाऱ्या व्हिडियोमध्ये मालपे येथील मच्छिमार बायणा किनाऱ्याजवळ कार्यरत असून स्थानिकांनी पाठलाग करताच पळून जाताना दिसतायेत.

बायणा येथील मच्छीमाऱ्यांनी दिलेल्या माहितीनुसार मालप्यातून आलेले मच्छिमार सशस्त्र होते. या घटनेमुळे त्यांच्या जीवाला धोका निर्माण झाला आहे. संबंधित घटनेबद्दल तक्रार नोंदवून देखील मत्स्य विभाग निष्क्रिय असल्याची टीका स्थानकांनी केली.

बाहेरून आलेल्या मच्छिमारांच्या बेकायदेशीर हालचालींवर त्वरित कारवाई करणं हे मत्स्यव्यवसायाचे कर्तव्य आहे मात्र विभाग हा विषय गांभीर्याने घेत नसल्याने स्थानिक मच्छिमारांनी संताप व्यक्त केलाय आणि अधिकाऱ्यांनी त्वरीत पावले उचलावीत असे आवाहन करण्यात आले आहे.